SUGOD mga KAPATID... UMAKSYON SA NGAYON. (Reaction on Time Travelling)

Hindi man natin lubos na mawari, isang hiwaga pala ang maaaring mangyari sa katotohanan: ito ay ang Paglakbay sa Oras o tinatawag na “Time Travelling”. Sa kamakailan lamang na video na ipinalabas sa aming mga mag-aaral ng STS THY ay nasabing posible pala ito sa pamamagitan ng blackhole, cosmic strip, gravity, wormholes, speed of light at kung anu-ano pa. Maaari daw tayong bumalik sa mga oras ng nakaraan o dumayo sa mga oras ng hinaharap. Ang oras raw ay isang dimensyon na maganda raw tuklasin dahil hindi raw ito madalas napupuna na mga tao agad-agad kumpara sa dimensyong taas, lalim, at haba.
 Maraming sinabi at ipinakita mula sa video tungkol sa mga natuklasan ng mga siyentipiko bilang posibleng paraan para makalakbay sa dimensyong oras  bagkus ang tanging reaksyon ko lamang dito ay lugod kong ikinagagalak ang mga nadiskubre nila. Posible nga talaga tayong dumayo sa hinaharap o bumalik sa nakaraan.
 Sa aking pagkakaalam ay masmahirap ang bumalik sa nakaraan dahilan sa masmadalas na “time dilation”, ang hinaharap lamang ang lagi niyang napupuntahan. Sa kabila ng mga nalaman ko, isa lamang sa mga bagay na isinaad ang ikinatuwa ko nang lubos at pinagkainteresan, ito ay ang blackhole.
 Ang blackhole ay isang umiikot na bagay sa kalawakan na isang guwang, “high-mass object” at malakas ang gravitational pull. Sa loob nito ay naaply ang theory of relativity ni Einstein kung saan madalas nangyayari na tila para sa mga gumagalaw sa loob nito ay tama lang ang oras ngunit sa katotohanan para sa mga nasa labas nito nakikita nilang mabagal na ang kanilang pagkilos. Bagkus, bumabagal din ang oras sa loob nito. Sa pagpasok at pananatili sa blackhole, maaari at masuwerte na ang time traveller na makapunta sa hinaharap. Ngunit sa katotohanan ay di na maaaring makalabas ang time traveller dahil sa pagpasok niya dito ay di na siya maaaring makalabas at maaaring humantong sa kanyang kasiraan o kamatayan.
Sa kabila ng mga ito, natutuwa ako sa mga naiisip ng mga siyentipiko tungkol sa mga posibilidad na maaaring matupad sa ikauunlad ng madla at pagusad nito sa hinaharap sa pamamagitan ng TIME TRAVELLING.  Subalit, para sa akin, marami mang proseso o di man maging posible ang time travel ngayon, iniisip ko na masmabuti pa rin ang mabuhay para sa ngayon total ito naman ang panahong masnangangailangan n gating pagkilos.